___نعتِ رسولِ مقبولﷺ___ متاعِ عیش و عشرت کی طلب ن |

___نعتِ رسولِ مقبولﷺ___ متاعِ عیش و عشرت کی طلب نہ مال و زر دے دے الٰہی مجھ کو بس خاکِ مدینہ مٹھی بھر دے دے جہاں پر ابرِ بارانِ کرم ہر وقت نازل ہوں وہی طیبہ کی رعنائی وہی شام و سحر دے دے مری تقدیرِ برہم میں مدینے کا سفر لکھ کر مجھ شوقِ زیارت دے مجھے رختِ سفر دے دے سکونِ دل میسر ہوں ، طبیعت مسکرا اٹھے رسولِ اللہ سے الفت کا گر مجھ کو ثمر دے دے غریبوں اور یتیموں کو جو دیکھوں تو ترس کھاؤں مری چشمِ تمنا کو عقیدت کی نظر دے دے لبوں پہ مدحتِ شاہِ عرب کے گل کھلیں پیہم فروزاں آپ کی یادیں ہوں جس میں وہ جگر دے دے کبھی طائف ، کبھی بدر و احد کا تذکرہ چھیڑوں مجھے نعتِ نبی لکھنے کا یارب تو ہنر دے دے دلِ دانش میں مدت سے یہی ارماں مچلتے ہیں مجھے کوئے نبی میں صرف اِک چھوٹا سا گھر دے دے ازقلم:-دانش حسیب دانش ©Danish Haseeb Danish Haseeb Danish #cloud