रिमझिम पानी सावन आगे sss! तोर हरियर लुगरा मोला भाग |

रिमझिम पानी सावन आगे sss! तोर हरियर लुगरा मोला भागे!! रात भर सपना म आथस सविता! हुदर हुदर के जगाथस वो!! रात के रानी फूलमोंगरा अउ! परी बनके आथस वो!! मोर अंतस म तै ह समागेsss! तोर हरियर लुगरा मोला भागे!! गोरी गुलाबी गाल हे तोरे! उमर सोला साल के वो!! नैन कारी तोर काजर कारी! होंट लिभिष्टिक लाल के वो!! रेंगना तोर गजब सुहागेsss! तोर हरियर लुगरा मोला भागे!! तोरेच मन के बात बतादे! मिल हूं मय हा अकेला!! मया होगे हे तोर बर रानी! किरिया खवाले तय ह मोला!! तोर बर मोर दिल ह लागेsss! तोर हरियर लुगरा मोला भागे!! हांथ म मेंहदी मुंड म लाली! मय ह लगा हूं जहुंरिया!! तोर दाई मोर सास लागय! बाबू के बनबे बहुरिया!! खेत मतागे रोपा लगागेsss! तोर हरियर लुगरा मोला भागे!! ----------------------------- ठेठ देहाती... ©Gondwana 👑 King's #जय_जोहार_संगवारी #Rose KaviRaj Gupta