White Kya dhundta fir raha hai "azal"? Kiski talaash kar raha hai? Saanso me betartibi hai teri. Kaisa tufan chal raha hai? Samandar liye baitha hai apne andar Fir patthar me kyu dhal raha hai? Haste haste khamosh ho jata hai Tu kya se kya ban raha hai? Na kisi ko kuch kehna, na kisi ki sunna Kyu beparwah hota ja raha hai? Na shikaytein, na aarzoo, na minnat, na khwaish Kis khamoshi me khud ko duba raha hai? Baatein aisi hai jaise koi fark nahi parta Shaam hone ke baad kisme badal raha hai? Tu kaanch to nahi ki tut gaya ho bikhar ke Fir kyu har kisi ko itna chubh raha hai? Zamane ko dawa dekar samjhane wala Kyu apne marz ka ilaaj nahi kara raha hai? Tujhe khud se pyaar nahi, aisa bhi nahi hai Aisa kya hai jo tera khudse faasla ban raha hai? Apni buniyaad par apni zindagi jeene wala Lehro ke saamne khade hokar kyu jal raha hai? ©Ananta Dasgupta #sad_shayari sad shayari in hindi english shayari love shayari hindi hindi shayari sad shayari