భయమేస్తుంది తప్పనిసరి పరిస్థితుల్లో తలవంచాల్సిన క్షణం ఎప్పుడెప్పుడు నా మెడని ఆజ్ఞాపిస్తుందా అని. నాకన్నా ముందు నా ఊహే ఉలిక్కి పడుతుంది ఊహ సైతం ఊహింపుకు మరు జన్మకు కూడా తావివ్వనంటుంది. ఒక్కటి మాత్రం చెప్పగలను నా మది ఇంకా నీకోసమే కొట్టుకుంటుంది. చూపులు లేవు మాటామంతీ అంతకంటే లేదు ఐనా ఎలా సాధ్యమవుతుందంటావా చూపుల్తో పై పై మెరుగులకు పడి నా మనసు నీకై ఆరాటపడుతూ నీ వెనకాల పరిగెట్టట్లేదు మనసునే చూసింది ఆ మనసుకోసమే నీ మనసును అర్ధిస్తుంది నీ మనసుకై వేచి వెర్రిదవుతున్న ఈ అర్ధప్రాణికి ఆయువు తీరనీక బ్రతికించమని ప్రాధేయపడుతుంది ఆహుతయేలోపు! #నీకోసం #భయం #yqbaba #yqkavi #telugu #telugukavi #telugu #sltelugu