ಜುಲ್ ಕಾಫಿಯಾ ಗಝಲ್: ಗಝಲ್_ಜುಗಲ್ಬಂದಿ ***************** |

ಜುಲ್ ಕಾಫಿಯಾ ಗಝಲ್: ಗಝಲ್_ಜುಗಲ್ಬಂದಿ ************************************************* ಸದ್ಭಾವಗಳ ತುಂಬಿಟ್ಟ ಮಾತಲ್ಲಿ ಹೃದಯಗಳ ಗೆಲ್ಲುವುದು ಖಾತ್ರಿಯಾಗಿದೆ ಸ್ವಾರ್ಥಿಗಳ ಲೋಕದಲ್ಲಿ ಮುಗ್ದ ಮನಸ್ಸುಗಳ ಕದಡುವುದು ಖಾತ್ರಿಯಾಗಿದೆ ಸ್ಫುರಿಸುತಿದೆ ಮನದೊಳಗೆ ಅನುಕ್ಷಣ ನೂತನ ಕನಸುಗಳ ನಿರವದ್ಯ ಚಿಲುಮೆ ಉದರದ ಕ್ಷುಧೆಗೆ ಕೈಗೂಡದ ಬಯಕೆಗಳ ಹೋಮಿಸುವುದು ಖಾತ್ರಿಯಾಗಿದೆ ಬೆರಗು ಕಣ್ಗಳಿಗೆ ಸಡಗರವು ತೀರವಿಲ್ಲದ ಜ್ಞಾನ ಸಾಗರದ ಸ್ವಚ್ಚಂದ ವಿಹಾರ ಹರಕಲು ಜೇಬಿಂದ ಆಸರೆಯಿಲ್ಲದ ಆಸೆಗಳ ಬೀಳಿಸುವುದು ಖಾತ್ರಿಯಾಗಿದೆ ಮುರುಕಲು ಮನೆಯೆದುರು ಜಗದ ತಾಪಕೆ ನಲುಗಿದ ಹೂವುಗಳ ತೋರಣ ಮರಣವೂ ಕರುಣೆ ತೋರದಂತೆ ಜೀವಗಳ ಹಿಂಸಿಸುವುದು ಖಾತ್ರಿಯಾಗಿದೆ ಅಲೆಯುತಿವೆ ನಿರಂತರ ನಿಶ್ಯಕ್ತ ಕಾಲ್ಗಳು "ವಿಜಯ"ಪಥದ ಜಾಡು ಹಿಡಿದು ಅಗಮ್ಯವ ಸೇರುವ ಭ್ರಮೆಯಲ್ಲಿ ಕನಸುಗಳ ಕಮರಿಸುವುದು ಖಾತ್ರಿಯಾಗಿದೆ ಗಝಲ್_ಜುಗಲ್ಬಂದಿ *************** ಇದು ಕೂಡ ತರಹೀ ಗಝಲ್ ನ ಹಾಗೇನೇ. ಆದರೆ ಮೂಲ ಗಝಲ್ ನ "ಮಿಸ್ರ"ವನ್ನು ಇದರಲ್ಲಿ ಬಳಸಲಾಗುವುದಿಲ್ಲ. ಬದಲಿಗೆ ಒಬ್ಬರು ಬರೆದ ಗಝಲ್ ನ ಭಾವವನ್ನು ಅದೇ ಧಾಟಿಯಲ್ಲಿ ಮುಂದುವರೆಸಿಕೊಂಡು ಹೋಗಲಾಗುತ್ತದೆ. ಇದರಲ್ಲಿ ಬರಹಗಾರರು ಒಂದೇ "ರದೀಫ್" ನ್ನು ಬಳಕೆ ಮಾಡಬೇಕು, "ಕಾಫಿಯಾ"ಗಳು ಪುನರಾವರ್ತನೆಯಾಗಬಾರದು ಮತ್ತು "ರವಿ" ಒಂದೇ ಇರಬೇಕು. ಈ ಗಝಲ್ ನ ಇನ್ನೊಂದು ಭಾಗವನ್ನು ನಯನ ಭಟ್ ಜಿ.ಎಸ್❣️ ಅವರ ಪ್ರೊಫೈಲ್ ನಲ್ಲಿ ಓದಿ.

ಜುಲ್ ಕಾಫಿಯಾ ಗಝಲ್: ಗಝಲ್_ಜುಗಲ್ಬಂದಿ *****************

ವಿಜಯ್