ಬೇಲಿ ಕೊನೆಯ ಹೂವು ಅದು ಬೇಲಿ ಕೊನೆಯ ಕಾಗದ ಹೂವು. ಕೆನೆಹಾಲ |

ಬೇಲಿ ಕೊನೆಯ ಹೂವು ಅದು ಬೇಲಿ ಕೊನೆಯ ಕಾಗದ ಹೂವು. ಕೆನೆಹಾಲಿನಬಣ್ಣದ್ದು. ಮೂಲತಃ ಅದರ ಬಣ್ಣ ಅಚ್ಚಬಿಳುಪಾಗಿತ್ತೇನೋ! ಬೇಲಿಯಲ್ಲಿ ಬೆಳೆದ ಕಾಗದ ಹೂವಲ್ಲವೇ! ಎಲೆಗಳೇ ಹಚ್ಚ ಹಸುರಿಲ್ಲ; ಧೂಳಿನಿಂದಾಗಿ ಮಾಸಿಹೋದ ಬಣ್ಣ. ಆದರೂ ಆ ದಾರಿಯಾಗಿ ಹಾದು ಹೋಗುವಾಗಲೊಮ್ಮೆ ಇವಳಿಗೇನೋ ಒಂದು ನೆಮ್ಮದಿ. ಆ ಕಾಗದ ಹೂವುಗಳನ್ನೊಮ್ಮೆ ಕಣ್ತುಂಬಿಕೊಂಡು ನಿಟ್ಟುಸಿರು ಬಿಟ್ಟಾಗಲೊಮ್ಮೆ ಇವಳು ನಿರಾಳ. ಮನದ ಭಾರ ಇಳಿದು, ದುಗುಡ ಕಳೆದು ಹೊಸ ಚೈತನ್ಯದೊಂದಿಗೆ ಮುಂದೆ ಇವಳ ಪಯಣ. ಬರಬರುತ್ತಾ ಇವಳಿಗೆ ಆ ಕಾಗದ ಹೂವನ್ನು ಕಂಡೊಡನೆಯೇ ವಿಚಿತ್ರ ಬಯಕೆಯೊಂದು ಮನದಲ್ಲಿ ಮೂಡಿ ಮರೆಯಾಗಲಾರಂಭಿಸಿತು. ಅದೆಷ್ಟೋ ಬಾರಿ ತಾನೂ ಸಹ ಇದೇ ಬೇಲಿ ಬದಿಯ ಕಾಗದ ಹೂವಿನಂತೆ ಯಾರ ಗಮನವೂ ಸೆಳೆಯದೆ, ಯಾರೊಂದಿಗೂ ಬೆರೆಯದೆ, ಮೌನಿಯಾಗಿ, ಯಾರೂ ಕಂಡರಿಯದ ಊರಿಗೆ ಹೋಗಿ ಜೀವಿಸಬೇಕು ಎಂದಂದುಕೊಂಡವಳಿವಳು. ಆದರೀಗ; ತೀರ ಇತ್ತೀಚೆಗೆ ಕಾಗದಹೂವಿನ ಟೊಂಗೆಯೊಂದನ್ನು ಕಿತ್ತು ಮನೆಗೆ ಹೊತ್ತೊಯ್ಯುವ ಅದಮ್ಯ ಬಯಕೆ! ಹಿತ್ತಲ ಖಾಲಿ ಜಾಗ ಕಂಡಾಗಲೆಲ್ಲ ಕಾಗದ ಹೂವಿನದೇ ನೆನಪು! ಅಂತೂ ನಿನ್ನೆ ಮುಸ್ಸಂಜೆ ಇವಳ ಮನೆ ಹಿತ್ತಲಲ್ಲಿ ಕಾಗದ ಹೂವಿನ ಗಿಡ ಖುಷಿಯಲ್ಲಿ ತಲೆದೂಗುತ್ತಿತ್ತು. ಬೇಲಿ ಕೊನೆಯ ಹೂವು #ಅಂತರಂಗದ_ಶ್ರುತಿ #ಕನ್ನಡ_ಪ್ರೀತಿ #ಅರೆಘಳಿಗೆ_ಹೊಳೆದ_ಸಾಲುಗಳು #yqjogi #yqkannada

ಬೇಲಿ ಕೊನೆಯ ಹೂವು ಅದು ಬೇಲಿ ಕೊನೆಯ ಕಾಗದ ಹೂವು. ಕೆನೆಹಾಲ

Shruthi U