परिंचि राणी कित्येक दिवसांच्या माझ्या संथ सरळ आयु

परिंचि राणी कित्येक दिवसांच्या माझ्या संथ सरळ आयुष्याला नागमोडी वळण देणारी तू ...परींची राणी ! भेटलीस एका अनोख्या वळणांवर ..वावटळीसारखी ! कित्येक दिवसांचा मनाचा तळ पार ढवळून निघाला प्रश्नानांच पालवी फुटत गेली ... कारण ...तुझं राज्य नाजुक फुलाफुलांच तर......... माझं .........काट्याकुट्याचं ! तरीही तू प्रवेश केलास.. नकळतपणे माझ्या राज्यात पहारेकऱ्यांची नजर चुकवून .....! कोणे एके काळी ..माझंही राज्य होतं ..... स्वप्नांनी दाटलेल...ऋतूनी बहरलेल....आणि..... पाखरानीही...गजबजलेलं .... पण ...खूप उशीर झाला तुझ्या येण्याला ..... आज माझं राज्य ..तुझ्या लेखी .. विजयनगरचं उध्वस्त सामराज्य..! तरीही तुला दिसतील ..आजही काही अवशेष ..काही खुणा कधी काळी युध्द. झाल्याच्या .... आणि ..त्यातही ..... काळजावरच्या कोवळया जखमा जपल्याच्या ! आज कदाचित इथं नसेल तुझ्या स्वप्नातलं गांव .. नसतील फुलपाखरांची गाणी .... पण ...जर तू ठरवलसं ..तर मात्रं ... अजूनही इथं साम्राज्य उभारू शकतेस .. नाजुक फुलांचं आणि बहरणाऱ्या ऋतूचं ! पाखरांच काय ...ती येतीलच ..बघ तुला जमलं तर .. कारण..या साम्राज्यात काही वाटा तुझाही असेल !! ----- शहाजीकुमार चंदनशिवे अकोला ता.सांगोला जि.सोलापूर ©Shahaji Chandanshive परिँची राणी