*एक पणती* दारात झोपडीच्या, एक पणती मिणमिणती हलके | Marathi कविता

*एक पणती* दारात झोपडीच्या, एक पणती मिणमिणती हलकेच झोके घेत, सुख प्रकाशाचे उधळीत, वाट दावते आयुष्याला ||१|| फाटक्या रांगोळीची पायघडी उभी स्वागताला अस्ताव्यस्त संसाराची रेखाटलेली छबी जणू मांडलेली जाणत्याने ||२|| तिखट माखट फराळ गोडवा ह्रदयात भरतो भुई भर सांडलेल्या बारीक सारीक कणांनां निसर्ग उचलून नेतो ||३|| फटाकेही फोडलेले दिसले चार दोन लहान असह्य वेदनेने कोलमडून पडलेले म्हातारे तिथेच कुडकुडत बसलेले होते ||४|| पानां फुलांचे तोरण शेणा मातीची सारवण बहिण भावाची माया पाझरते डोळ्यांत हसऱ्या माहेरच्या प्रेमाची आठवण ||५|| या गडद अंधारावर सुध्दा मात करणारी एक पणती अजूनही जळते आहे आकाशातल्या शुभ्र चांदण्यांला खिजवू पाहते आहे ||६|| किती? थोडे आयुष्य या इवल्याशा पणतीला अन् क्षणभंगुर सुखासाठी धावणारे आपण होऊया तीच एक पणती ||७|| कवी/गीतकार- पंडित निंबाळकर मु पो सांगवी भुसार ता कोपरगांव जि अहमदनगर ७९७२५२३७१७ ©Pandit Nimbalkàr #panditnimbalkar #kavita #Ekpanati #Diwali