¶¶ ಸ್ವರ ಕಾಫಿಯಾ ಗಝಲ್ ¶¶ ಜಗವು ತಲ್ಲಣಿಸಲು ಜಡವಾದ ಮನಸ್ಸಿ | Gokahani

¶¶ ಸ್ವರ ಕಾಫಿಯಾ ಗಝಲ್ ¶¶ ಜಗವು ತಲ್ಲಣಿಸಲು ಜಡವಾದ ಮನಸ್ಸಿಗೆ ನವ್ಯ ಅಕ್ಷರವಿತ್ತ ಬಳುವಳಿ ಅಸ್ತಮಿತ ಹೃದಯಕ್ಕೆ ಆತ್ಮೀಯತೆಗೂ ಅತೀತ ಅಕ್ಷರವಿತ್ತ ಬಳುವಳಿ ಮನದೊಳಗೆ ಅಳಿದುಳಿದ ನಲಿವಿಗೆ ಮಧುರವಾದ ಭಾವಗಳ ಬೆಸುಗೆ ಆಪ್ತತೆಯ ನೆಲೆಯಲ್ಲಿ ಲಭಿಸಿತ್ತು ಸೂಕ್ತ ಸನ್ಮಾನ ಅಕ್ಷರವಿತ್ತ ಬಳುವಳಿ ಅರಳಿಯು ಸೂಸುತಿಹ ಶುದ್ಧ ಪ್ರಾಣವಾಯುವಿನಂತೆ ಕಂದಳಿತ ಸ್ನೇಹ ಪಲ್ಲವಿಸಿದೆ ಮನದಲ್ಲಿ ಸಂತಸದ ಕ್ಷಣಗಳು ಭವ್ಯ ಅಕ್ಷರವಿತ್ತ ಬಳುವಳಿ ಸೃಜಿಸಿ ಹೃದಯದ ಹೊಸ್ತಿಲಲ್ಲಿ ಮನಸೆಳೆವ ಆತ್ಮೀಯತೆಯ ರಂಗವಲ್ಲಿ ಒರೆಗೆ ಹಚ್ಚುತ್ತಿದೆ ಅಂತರಂಗದ ಅರಿವನು ನಿತ್ಯ ಅಕ್ಷರವಿತ್ತ ಬಳುವಳಿ ಹಿಡಿಯಲೇಕೆ ಒಲುಮೆಗೆ ಕನ್ನಡಿ 'ವಿಜಯ'ದಲೂ ಒಂದಾದರೆ ಸಾಲದೇ ಜೊತೆಯಲ್ಲಿರಲಿ ಎಂದೆಂದೂ ಅಕ್ಷತೆಯಲ್ಲಿ ಬರೆದ ಅಕ್ಷರವಿತ್ತ ಬಳುವಳಿ #ವಿಜಯ್_ಗಝಲ್ #ಗಝಲ್ # 5 #ಸ್ವರ_ಕಾಫಿಯಾ #ಕನ್ನಡ_ಗಝಲ್ #kvprakashquotes ಪುಟ ತುಂಬುವಷ್ಟು ಬರೆದು ತುಂಬಾ ದಿನಗಳು ಕಳೆದಿವೆ. ನಿನ್ನೆ ನಯನ ಭಟ್ ಜಿ.ಎಸ್❣️ ಅವರ ಪ್ರೊಫೈಲ್ ನಲ್ಲಿ ಒಂದು ಗಝಲ್ ಓದಿದಾಗ ಬರೆದುಬಿಡುವ ಮನಸ್ಸಾಯಿತು. ಪ್ರತ್ಯಕ್ಷವಾಗಿ ಕಾರಣವಾದ 'ಅವರಿಗೆ' ಧನ್ಯವಾದಗಳು.