मेरे आली सबते अलग थी रे और हमेशा अलग रहगी, उसके बा | Gokahani

मेरे आली सबते अलग थी रे और हमेशा अलग रहगी, उसके बारे म गलत कहन का हक तो ख़ुद मैंने भी कोना तो दुनिया की के इसी तीसी करी गयी है,, एक माँ की ढाल ध्यान राख्या ह मेरा, तो के होया अगर रोटी घाल के ना खुवाई तो कदे, मेरी भूक प्यास का सबका बेरा राख्या ह वा, मेरी खातर तो वा सरेआम बदनाम होगी पर फेर भी अगली के मन म कोई सिकवा ना था। वा तो अपने घर आला की नजरा म भी गिर के फेर आगले के घरने गयी थी, तू के ओर के तेरी दुनिया होड़ करेगी उसकी, मेरे खातर लुकमा बरत भी करा करती, इतनी खान की शौकीन थी वा छोरी ओर मेरे खातर पेट भूखा राख्या करती। गलती सबते हो जा है कोई मांडस इसा कोना जो बिना गलती करे मरगया हो। मानु हु उसने कुछ गलती कर रखी ह,, अनजाने म होगी वे, नासमझी में होगी, प्यार का भूखा इंसान उस कुत्ते जिस्सा हो जया है जो रात ने भूखे पेट एक रोटी ने भटकता फिरे, फेर वा रोटी नाली में पड़ी हो, वो बिचारा खा ले है, कती नुये उसके गयल बनी थी। और उसकी इस गलती न म कबका माफ कर चुका तो थारी के इसी तीसी करी गयी है,,, थामने दिक्कत हो तो 100 बार हो,,थारा ठेका कोना ले राख्या हमने जितना प्यार वा मेरे त करे ह न किस्से त नही कर सकती। गुरुर स वा मेरा,,मेरी ज़िंदगी का सबते बडा घमंड स वा। तू फिक्र न करे मेरी जान तेरे हर दुखा म तेरे त भी आगे म खड़ा पाऊंगा और या साली ज़ालिम दुनिया कितने भी पताशे चाब ले तेरे त दूर कडे भी नही जाऊंगा ई लव यू बेबो #bebo सदा त तेरा ओर बस तेरा। ©Ankit Sharma । #apart